隱形眼鏡護理 5 大要點，戴得安心

護理 5 大要點

想戴 con 戴得安心，記住呢 5 樣，眼睛唔會出事：

✿1. 手要乾淨

每次掂鏡片前後都要洗手抹乾，指甲剪短，避免刮損鏡片或眼睛。

✿2. 只用專用護理液

唔好用清水、生理鹽水長期浸，更加唔好用口水「潤」鏡片。護理液要每日換新。

✿3. 鏡盒都要洗

鏡盒係細菌溫床，每日用完倒乾、風乾，建議 每月換一個新盒。

✿4. 唔好超時、唔好過夜

每日佩戴 8 小時內最理想，瞓覺前一定要除低（特別款除外）。

✿5. 有唔舒服即停

眼紅、刺痛、流淚、視力模糊——任何一樣都即刻除鏡，嚴重就睇眼科，唔好「頂住先」。

額外貼士

眼乾可備 玻尿酸眼藥水；化妝記住 先戴 con 後化妝、先除 con 後卸妝，避免化妝品入鏡。衞生做足，靚同健康可以兼得 ♡