選購
Q：我唔知自己幾多度數，點揀好？
A：可以參考你副眼鏡嘅度數。如果係 -100 至 -400 度，直接揀同一個度數就得。如果 400 度或以上，因為隱形眼鏡貼住眼球，要比眼鏡減約 25 至 50 度先啱（例如眼鏡 -500 度，可揀 -475 或 -450）。揀唔到記得 WhatsApp 9454 3454 問我哋，幫你計！
Q：我有散光，可以戴呢？點揀？
A：散光女生戴之前最好去做個簡單驗光，提供 SPH（球面度數）／CYL（散光度數）／Axis（軸位）三個數值畀我哋。我哋會幫你配對啱嘅散光鏡片，唔好自己亂估，戴啱先清晰又舒服。
Q：直徑 14.0 / 14.2 / 14.5 有咩分別？我應該揀邊個？
A：直徑越大，放大效果越明顯。14.0 最自然，啱返學返工日常素顏感；14.2 係最多人揀嘅黃金比例，放大又唔誇張；14.5 最有電眼洋娃娃效果，啱影相、影片、出去玩。想日常啲就揀細啲，想搶鏡就揀大啲。
度數
Q：你哋有咩度數揀？
A：由 0.00（平光，無近視都戴得）開始；-100 至 -600 度每 25 度一跳；-650 至 -1000 度每 50 度一跳。落單時揀返你左右眼各自嘅度數就得，兩隻眼唔同度數都冇問題。
Q：我兩隻眼度數唔同，點落單？
A：冇問題！落單時可以分開揀左眼同右眼嘅度數，照填你實際度數就得。如果唔肯定，可以 WhatsApp 9454 3454 問返我哋。
日拋月拋
Q：日拋同月拋有咩分別？我應該揀邊種？
A：日拋係戴一日就掉，唔使清潔護理，最衞生方便，啱新手、偶爾戴或者敏感眼女生。月拋係開封後一個月內可以重複戴，每次戴完要用護理液清潔浸住，較抵但要勤力打理。日日戴揀月拋抵啲，間中戴揀日拋方便啲。
新手教學
Q：第一次戴隱形眼鏡好驚，有冇新手教學？
A：唔使驚！戴之前先洗乾淨抹乾手；將鏡片放喺指尖，確認唔係反轉（正面似碗形、反轉似碟邊外翻）；輕輕用另一隻手揦開上下眼皮，望住鏡望實鏡片貼上去，慢慢放手再眨幾下眼就 OK。除嘅時候望上望，用拇指食指輕輕捏走。第一次可以慢慢嚟，多試幾次就熟手㗎喇！
佩戴
Q：每日可以戴幾耐？
A：建議每日戴 8 小時內，最多唔好超過 10 至 12 小時。返到屋企記得除低畀對眼抖吓。瞓覺、游水、洗澡前一定要除咗佢，避免感染。
Q：戴落覺得眼乾點算？
A：可以滴返專用嘅隱形眼鏡濕潤液（潤眼液）紓緩，唔好用普通眼藥水。如果環境太乾（例如成日開冷氣、對住電腦）就要勤滴啲。揀日拋或者含水量高啲嘅款都會舒服啲。如果除咗之後仍然好乾好紅，要停戴搵醫生睇睇。
送貨
Q：落單之後幾耐收到？
A：香港訂單 24 小時內出貨，順豐到付一般 1 至 2 個工作天送到。趕時間嘅話亦可以揀門市自取，去我哋旺角西洋菜南街 1N 號 CTMA 中心地庫 B211 舖攞貨就得。
Q：運費點計？幾時有免運？
A：單筆訂單滿 HK$300 即免運！未夠 $300 就行順豐到付，運費按順豐收費喺取貨時找。想慳運費可以夾夠 $300 一齊買，或者揀門市自取免運。
付款
Q：有咩付款方式？
A：我哋接受 FPS 轉數快（9454 3454）、銀行轉帳、信用卡（Stripe）同貨到付款（COD），任你揀啱用嘅方式畀錢。
退換
Q：可唔可以退換？係咪正貨？
A：為咗衞生著想，已開封或已佩戴嘅隱形眼鏡一律不設退換，請見諒。如果收到貨有破損或者我哋發錯貨，請喺 7 日內連同照片 WhatsApp 9454 3454 或 email donocon211@gmail.com 聯絡客服，我哋會即刻幫你跟進。我哋所有產品都係 100% 正貨，並已喺香港衞生署註冊為醫療儀器，戴得安心放心！
會員
Q：做會員有咩著數？
A：會員分三級，自動累積消費升級：普通會員人人都做得；累積消費滿 $3,000 升銀卡，全單 95 折；滿 $8,000 升金卡，全單 9 折再加免運！越買越抵，記得用同一個帳戶落單儲返夠數啦。